Günstig zua Wiesn

Günstig zua Wiesn

Wennst koa Abo oda Monatskartn hosd, kimmst mit de Tagesbillettl am billigstn zua Wiesn:

As “Griaß Di God Billettl”
Mim “Griaß Di God Billettl” deafst an Meridian, de BOB und de BRB nutzn. Wurscht, obst ins Oberland, zum Chiemsä oda, noch Soizbuag oda auf d´Wiesn mogst.

Des Billettl guid Moda bis Freida vo 9ne bis 3 an nachstn Dog in da Friah. Am Samsda und Sundda an ganzn Dog.

Da Erste zoid bloß 23 €, olle andern oiwei 7 €. Oiso sans bei 5 Leit insgesamt 51 € oda a 10,20 € pro Nosn. Bei jedm Billettl konnst dann a no 3 Zwergerl bis 14 Johr mitnehma, egal ob vo Dir oda vo am Spezl.

As “BOB-MVV-(Oaschichti)Ticket”
Alloa oda mit Mehra
Des Billettl guit ned bloß in da BOB, sondan a im MVV-Innenraum. Vo 9ne bis an nachstn Dog in da Friah um 3 (beim MVV bloß bis 1 in da Friah) konnst damit fahrn. Am Samsda und Sundda scho ab Mittanacht, solangst wuisd.
Du konnst alloa fia 24 € oda a mit 4 anderne fia 37 € fahrn. Zwoa Zwergerl bis 14 Johr gäitn ois oa Erwachsna.

Kaffa konnst olle Billettl an de 12 Meridian- und BOB-Schoita und an unsere üba 100 blau-gäibn und weiß-gäibn Automatn, de Du an olle Bahnhöf findst. Und zwengs da Modernität hamma a no an Webschop und a Äpp.

Vui Schbass und kemmts guad zruck!
Eire Meridian, BOB & BRB