Günstig zua Wiesn

Günstig zua Wiesn

Wennst koa Abo oda Monatskartn hosd, kimmst mit de Tagesbillettl am billigstn zua Wiesn:

As “Griaß Di God Billettl”
Mim “Griaß Di God Billettl” deafst an Meridian und de BOB nutzn. Wurscht, obst ins Oberland, zum Chiemsä oda, noch Soizbuag oda auf d´Wiesn mogst.

Des Billettl guid Moda bis Freida vo 9ne bis 3 an nachstn Dog in da Friah. Am Samsda und Sundda an ganzn Dog.

Da Erste zoid bloß 23 €, olle andern oiwei 6 €. Oiso sans bei 5 Leit insgesamt 47 € oda a 9,40 € pro Nosn. Bei jedm Billettl konnst dann a no 3 Zwergerl bis 14 Johr mitnehma, egal ob vo Dir oda vo am Spezl.

As “Oberlandbillettl”
Wennsd alloa fahrst
Wuisd nur mit da BOB zua Wiesn und wieda retour, na kaaf da a “Oberlandbillettl”.
Des Billettl kost 20 € und guit vo Moda bis Freida oiwei vo 9ne bis 3 an nachstn Dog in da Friah. Am Samsda und Sundda konnst an ganzn Dog spaziernfahrn. Aussteign, umsteign und weidafahrn konnst jedazeit.

As “BOB-MVV-(Oaschichti)Ticket”
Alloa oda mit Mehra
Des Billettl guit ned bloß in da BOB, sondan a im MVV-Innenraum. Vo 9ne bis an nachstn Dog in da Friah um 3 (beim MVV bloß bis 1 in da Friah) konnst damit fahrn. Am Samsda und Sundda scho ab Mittanacht, solangst wuisd.
Du konnst alloa fia 24 € oda a mit 4 anderne fia 37 € fahrn. Zwoa Zwergerl bis 14 Johr gäitn ois oa Erwachsna.

Kaffa konnst olle Billettl an de 13 Meridian- und BOB-Schoita und an unsere 89 blau-gäibn Automatn, de Du an olle Bahnhöfe findst. Und zwengs da Modernität hamma a no an Webschop und a Äpp.

Vui Sschbass und kemmts guad zruck!
Eire Meridian, BOB & BRB